ديوان عشيرة ال عوده الفضلي

القصيدة الأولى: القهوة

يا زين فنجال الضحى بالمراحي ... إمُسَكَّبَه راعيه والنذل ما جاه

فنجال أشقر بين ني أو نجاحي ... يصبغ ابكاس الصين كالدم مجراه

راعيه ما دور ابصاعه رباحي ... يبغيه إلى جاو المسايير مقراه

ريحه على جمر الغضى حين فاحي ... يبلغ مسيرة يوم يا بعد مسراه

لشمه المشتاق في الأرض طاحي ... يسكر ابريحه من بعيد إلى جاه

لحمس بالرافق له البال صاحي ... ناره قليلة أو على جمر يصلاه

يفوح له بين الحمى واللياحي ... ريحه كما العنبر من الهند مجناه

لصفر وأحمر كالزمرد وشاحي ... بين النياه وبين الأنجاح مكفاه

دقه ابنجر يعجبك بالصياحي ... صوته عجيب ومرتفع بالملالاه

أنعم سحاقه لا تخليه طفاحي ... يوذيك منه الحب في داخل الفاه

إحشه ابدله من ادلال الصحاحي ... وخـلّه على شاطي الجمر بالمراكاه

لفاح تلقا به اقماش ضباحي ... أو مشبق في نحر رعبوب يزهاه

وزله ابمروبة بها الهيل فاحي ... والهيل به من باقي الجنس مكفاه

باقي القناد ابمذهبي ذا مباحي ... باللك تعنا به ولا تجيب طرياه

هو ملحها ما تريد غيره ملاحي ... إلا أنها تحتاج للزل تصفاه

غسّل فناجيله ابماء قراحي ... وخزّز مناعير ثنو بالملاقاه

خزز بني فضل اطيور الفلاحي ... اطيور تقنّص بالوغى والمشاراه

نعم بهم لاجا نهار الصياحي ... تلقا الجنايز بالدّقاسن امرماه

حريبهم ما يهتنى بالمزاحي ... دايم اعيونه في سنعهُم امشقاه

يفرح إلى من شاف نور الصباحي ... ويكره إلى شاف المساء والدجي جاه

أنا أحمد الله تو قلبي استراحي ... حطيت بالممرح قصورٍ أمبناه

امراحنا يا نعم به من امراحي ... هفوف مصر معجب كل من جاه

في القيظ هفوف براد فراحي ... هذي صفاة القيظ يا طيب مشتاه

هواه معتدل وأرضه بياحي ... منوة افوادي رب الأرباب هيااه

له مـشرب عـذب زلال قراحي ... مثل الشهد شربه قريب امرواه

في عام عشرين نزلنا المراحي ... وثلاث مائة وألف لطف من الله

الله أعلم نزلنا به صلاحي ... قطع النزاع وكل عوّد شرب ماه

صلاة ربي عد ما لورق ناحي ... تغشى الرسول اللي على العرش ناجاه

القصيدة الثانية: حنا بنجد

يا ناشد عنا فحنا فضولات .......... غزي لنا جد وفضل ولام

عند البيان وعند عد الأصولات .......... حنا وهل ملهم أولاد العمام

وعقيل سادس جد بالعد واثبات .......... فيه انتصادف مع اشيوخ كرام

ويوجد لنا ناس بتلك الشمالات .......... في العد وياهم أولاد العمام

في السوق والمركز وصوب العمارات .......... من دونهم شط عميق وحام

حنّا بنجد أصلنا في القديمات .......... وجينا الى الاحساء عساها السلام

جينا العيون بها الفضل شارات .......... وعلى ابن مقرب نزلها وشام

شمال عن الاحساء قدر خمس ساعات .......... تنوش منها طيبات العلام

فيها عيون سيح ما هن غزيرات .......... بالكف تشرب لكنت ظام

شفنا بها الأنهار تجري وجنات .......... ونخيل حلوات الثمر والطعام

صارت لنا رغبة عشان ازراعات .......... قلنا بلاد الخير فيها المقام

قد استقام الجد فيها اسنيات .......... مائة عام أو يبيله تمام

حصل بها دنيا عظيمة وخيرات .......... أموال ما يحصيها عد لقلام

رقي بها عودة رفيع المقامات .......... شيخ كريم حاش طيب المقام

شيخ كريم ما يهاب الخسارات .......... والناس تشهد له بطيب العلام

ربعي هل العليا أساس الشجاعات .......... متسلسلين من خوال وعمام

القصيدة الثالثة: فرقا العشاير

قل الصبر مالي على الصبر طاقات .......... والقلب ما يهوى إفراق العشاير

فرقا العشاير من كبار المصيبات .......... ويلا طرولي قمت أجر الحساير

عشايري من صلب جدي فضولات .......... كسابـة العليا حماة القصاير

إلى ذكرت أفعالهم بالملاقات .......... أنس افؤادي من حشى الرّوح طاير

والى اخطروا في البال جات المصيبات .......... وتحرّكت الأشواق والشوق جاير

قومي هل الجودي نهار المثارات .......... كسابـة الناموس والعج ثاير

وربعي اصدام الضد لاجا بعيلات .......... يردون احياض الموت والحرب داير

وربعي حماقى ما يدانون زلات .......... في ضدهم ما يسمعون الشواير

شرط الظفر في حومة الحرب هدّات .......... يوم الوغى ربعي يسوا العباير

حاشوا المراجل لا بتي والشجاعات .......... والجود والمعروف فعل البراير

وربعي هل اسموت العزيزة وشيمات .......... رفيقهم ما يشتكي جور جاير

وربعي بني فضـل احماة المخيفات .......... وربعي احماة الدار والملح ثاير

وربعي هل العيلات حين الملاقات .......... دواسـت الخصم المهين المغاير

وربعي يحملون الحمول الثقيلات .......... إمصبرين اقلوبهم بالحساير

ومعوّدين الضيف ربعي إبعادات .......... إصـحون ملبودة بها السمن حاير

واجنوب حيل ناجحات امعدّات .......... من فوقهن تلقاه مثل الزباير

والى طرا في البال عصر لنا فات .......... غاب الوجود وهاج نار الضماير

حظّ لنا في عصر شيخ لنا مات .......... عوده بلغ ذكره بعيد الجزاير

شيخ ليس للعز خلعة وهيبات .......... تلقاه مثل اسهيل وسط الزهاير

كريم سبلا في السنين المحيلات .......... ينفد من الخيرات شي كثاير

والجود له في غرة الشيخ شارات .......... بيـانته للضيف يدي الذخاير

ريف الضعيف ونافل بالمروات .......... ولد الخصيم وضد من كان باير

عصاتنا سيف بهديك الأوقات .......... نضرب بسيف الحظ والحظ ثاير

دف أو رقصنا له على الضدمـرات .......... لين إنجلت منا جميع المـراير

أقفت عليهم يوم الأيام عدلات .......... هذاك مملوك وهذاك نايـر

ما حنّ بأوّل من بدر منه عيلات .......... مثل الدواسـر بينهم والعماير

من بعد ذا جاني من الصرف غارات .......... أدعت زمازيم المعزّة نشـاير

صـبر لما أجراه رب السموات .......... والصبر محمود وخيره سـفاير

يا رب ترجع لي إسنين امريفات .......... وتفكنا من ذا البلا والعـزاير

إبحق قرآن المعظم وتوراة .......... وانجيل عيسى والزبر والسراير

وبحق ما نزل بهم حرف وآيات .......... ترحم ونين مضني القلب حاير

وتامر بجمع الشمل ويا الرفاقات .......... يا واحد معبود ماله نظـاير

وتردنا في دارنا عقب غربات .......... على حسن حال لنا العز زاير

يا متى تواعدني بهذي البشارات .......... ولعزوتي مني تروح البشاير

يا الله عسى خير التغرب سلامات .......... حيث السلامة من كبار التجاير

آمين صلى الله على سيد من مات .......... محمد المختار ما زار زاير

القصيدة الرابعة: من الدار زالتني

من الدار زالتني اسنيني ابزلالي .......... وصرف النيا دارني عنها إبغربالي

أقفيت عنها وأنا بالحيل مغرم بها .......... من فقدها دمعي على الخد سيالي

في كل ساعة ويوم وليلة تمضي .......... أبكي ولا لي أه واويلاه عزالي

من فقد دار لنا تزهى إقصورها .......... بالنور وللضيف ملفاً ومدهالي

عديت منها أبو سيف يجزيني .......... لكن تقادير رب في السما عالي

خانت بنا الدنيا وصرنا جنيّه .......... من عقب ما حنا أعدام الضد ورجالي

حريبنا طول ليلة ما اهتنى بالرقاد .......... قلبه إمن الخوف خفاق أو رقالي

كم مرّة ثار أشهب الملح بيننا .......... تلقى الجنايز من البارود جزالي

قومي هل البيضا إقروم الى سطوا .......... والكل منهم عريب الجد والخالي

يطربن عيني الى من نظرتهم .......... ويفرحون صدري وهم القلب ينجالي

كرمان ظفران في يوم الوغى .......... يسرّون قلب اللي من الخوف جفالي

لهم مجالس دايم بنها يُحرق .......... وللضيف فيها معنا ومقيالي

تلقى بها سفرة مبسوطة دايم .......... تعباً على القسا واللين ومحتالي

مروين اسيوف الهند من دم العدا .......... رجالهم عي على الضد عيالي

إعيال جدي وعزي وعزوتي .......... واخوان صلب على مرّة ورجالي

جارت علينا الترك من زود جورهم .......... وزيت في سجن كسيف وغربالي

مقيّد بالحديد مع جملة اخوتي .......... وأشرب من المر كاسات وفنجالي

أبكي وبكي كل من يسمع البكاء .......... من الإنس والجن مع عفاريت الأجيالي

والكل منهم يسأل الله يطلق قيدنا .......... وأنا معاهم بداج الليل وآسالي

الله كريم رحيم ما يخيّب من دعى .......... يسمع ويعطي دعا المظلوم بالحالي

أهو المانع وهو المعطي الذي .......... يُعطي عبيده بلا ضاع ومكيالي

يروي عبيده عزّ ثم يذلهم .......... ثم إيعزهم رُجّعٍ الى شاء لا تالي

يا رب أسألك يا ودود ويا مجيد .......... ويا حسيب ويا شهيد لا تالي

تفرّج هموم القلب وانت مقتدر .......... وتفك سجني يا عزيز الشأن بالحالي

أنا واخواني وجميع المسلمين .......... بحق طه وسورة قاف وآيات الأنفالي

وبحق موسى وعيسى والنبي المصطفى .......... محمد اللي جاء من الرب برسالي

وبحق يونس ويوسف وجميع الأنبياء .......... وبحق جبريل واسرافيل وبحق ميكالي

تامر وتسرع يا عزيز باطلاقنا .......... حيثك على ما شئت مقتدر وفعالي

وتزول عنا جميع الشين والغل والحسد .......... نضفي ونصلح ونقلب الضد يصفالي

قوم بني حبان يوكل حقهم .......... وأنا أحمد الله جعل قومي مجاهيل وعقالي

عقالنا لتفكيك عقال ضدنا .......... وعيالنا ما طاوعوا فيه عذالي

حريبنا طول عمره مستذل منغبن .......... يمشي ابغبنه ومشرويه من الحنظل الحالي

مسقينهم مر وموت امصفا .......... واللي نصرنا عليهم قدرة الخير الوالي

خلقنا لهم ضد ولد عن الهوى .......... ومن كان حن ضده يبشر ابغربالي

ابرحي من المعبود يكشف كربنا .......... نظهر ونأخذ قضى ما فات من حل ورجالي

باذن من الله لا حول ولا قوة الا به .......... من كان هو وياه يبشر بالأنفالي

هو منصف المظلوم بالحار الى بغى .......... أمره على كاف ونون بلى تالي

أنا المشتقى المحزون من صرف النيا .......... عن الدار زالتني اسنيني ابزلالي

صلاة ربي عد ما هبّت صبا .......... تغشى رسول الله والصحب والآلي

القصيدة الخامسة: ضيم الدهر

آه واويلاه من ضيم الدّهر .......... تاه رشدي وأنا توي صغير

في ضحى راحوا لنا سبعة عشر .......... كلهم شيخان ما فيهم حقير

تو شواربها يخط ابها الشعر .......... غايت المطلوب لا لزالنظير

منهم ولدي حاميم دال في سطر .......... اصفته حر يرفرف يبيطير

حطّنا في الإبط يوم انه ظهر .......... واكتفينا به وهو توه صغير

جعل ذباحه يحوط ابه الدهر .......... علّنا نالاه ماله من يغير

عقبهم شفت المذلة والحقر .......... عفت أنا الأوطان واركبت البعير

ناصي للشيخ جاسم في قطر .......... عادته الكل مظلوم يغير

القصيدة السادسة: الأتراك (ما طول شهر رمضان)

ماطول شهر رمضان مريض لياله .......... وما طول يومه يا مسلمين طولاه

شهر فضيل عامتنا فضاله .......... لكن لي ميعاد لا قيل ذا تلاه

والله ما ذكر ساعة فيه داله .......... عن الوليف اسال والله ما انساه

يا جذ قلبي جذ ناحل احباله .......... ويا صرم قلب مولع القلب صرماه

قلبي تشتت يا ملا عزتا له .......... من حين صار افراق جالي ثناياه

فارقت بدر الجيل وايا جماله .......... تسعة اعوام ما تحليت حلياه

الا قليل حصلت من وصاله .......... في ساحة يخجل بها الاسد عزاه

اسقيت بستان الحشى من نواله .......... مص برؤوس اشفاي واشفاي باشفاه

وتليت مجدول وجعد براله .......... متعثكل كالليل عسعس او غطاه

كنه بكنه لا تجهجل وجاله .......... ليل بهيم والفجر منه مبداه

كن الكليدون المصفى عباله .......... ريش الظليم او خده الخال مرباه

عنقه نفل بالطول عنق الغزاله .......... جيده ومجدوله وصفت زواياه

الى غنج وادلج ودلمج اجلاله .......... دانه ومفلوقه من البحر مجناه

والى جزع افزع ونزع اشياله .......... قلت البدر لا تم والنور يغشاه

عمهوج له من فوق حسنه كماله .......... نور على نور كما الحور حلياه

لو بالثمن قلنا يساوي اعداله .......... در ومرجان وبالبخس ما اشراه

محلا زريف الحال مزين قباله .......... زادي ومشروبي وشفي املاماه

خضب اكفوفه والقدم به انقاله .......... يسعي عليها حافيا ما له احذاه

مشي الحمام الى مشى باعتداله .......... تقول عود الشاكري في ركاياه

في عينه اليمنى اسواة النباله .......... يطعن بها من غير ما يرفع اغطاه

عين كما عين الوحش في جباله .......... نجم حدى عفريت بالنار وارماه

له صورة ما ركبت في بداله .......... ولا تمثل صورة مثل حسناه

عينه وعرنينه وطرت اهلاله .......... صُبحٍ حدى ليل بالأفلاك وازاه

خده وجيده زاكي مع خواله .......... ما ربته دایه ولا شان مرباه

طفل ربا بانعام ربه وباله .......... ما شان يوم يوم الأكدار ما جاه

نبنوب موز ناعم في ظلاله .......... سلطان جيله ما تهنيت وياه

لي ملتجى مولا كريم اساله .......... يلطف بنا في كربنا حين ندعاه

يا رب اسألك يا عزيز الجلاله .......... تلطف ابعبد ما له الا انت مولاه

متشفع بالمصطفى في سواله .......... وانت الكريم اوبك عن الخلق ماكفاه

انت الذي حطيت طه وساله .......... يشفع لنا في كربنا باذن مولاه

من عادته يشفع لمنه عناله .......... وانا عنيته بالتماثيل وارجاه

يشفع لنا عندك الهي وناله .......... تابع من الامة وفي الضيق بانخاه

يا رب ترحم من امفارق اعياله .......... ابرحمتك يا من على الخلق حسناه

وتجمع لنا شمل تفرق عسى له .......... جمعا يكون الحال بالحال بارداه

آمين يا ربي ابطه وآله .......... وحاجته لله وانلوذ باحماه

القصيدة السابعة: منه يقول الناس واحد

متى برؤيتهم ترفرف جفاني .......... جاسم يريف الروح شوفه وطرياه

جاسم بدر للدار بالنور سفر .......... غطا الزواهر بالسفر حين سفر

كتام لسراره ولا يوم سفر .......... أحد على غايات قلبه وطرياه

حاز المكارم والخصال الجميلة .......... كريم نفس له عطايا جزيلة

ما عطا من سابق له مثيله .......... هذا ولا نقدر نوصف عطايااه

منه يقول الناس يا ناس واحد .......... رجل كما ألف وألف كواحد

جاسم يعادل لك مليون واحد .......... نقوة وباختاره عليهم وبنقاه

زرنا ولا شفنا الجاسم نظيري .......... رحب المحيا لا ضحك بالنظيري

سبحان من سواه شيخ نظيري .......... متبصر في خلقته زان مبناه

جاسم عزيز الجار ما عنه امعزا .......... عن شوف شخص الشيخ يا ناس ما عزا

يا ما ذبح حيل أو مواحيل مغزا .......... للضيف مدهال ولا يوم خلاه

طارشي انشد عن الشيخ وين رحل .......... قلبي امقيد عقب فرقاه وانحل

قل الصبر والحال كالقوس وانحل .......... والجفن حارب لذت النوم ما جاه

شوفه يزيل الغم والبؤس والهم .......... (تكملة البيت غير معروفة في المصدر)

اعرف من العراف بالنطق والهم .......... دليل يعطي كل شيء المعناه

القصيدة الثامنة: أولاد البويت

حي الكتاب اللي امحرر ابقرطاس .......... حيـه وحي اللي لفو به يسيرون

حيـه عدد ما حن في السحب رجّاس .......... او عدّ ما نجم بالسموات يزهون

وعداد رمل حازته كل الطعاس .......... أو عد ما شيء على الأرض مكيون

أو عد ما نالوا هل المجد نوماس .......... يوم الوغا بمصقل الهند يثنون

جاني وحطيته على العين والراس .......... حـيثه اكتاب من محبّ ومضنون

صاحب صديق ما لقينا له اجناس .......... رفيق صحب مشتهر غير مكنون

قبله اجدوده من قديم على ساس .......... معنا على خير وشر يفزعون

نال المجد يوم اشهب الملح قباس .......... يوم الردي وجهه امغمّ ومحزون

اطلب عسى ربي يجيره عن الباس .......... حيثه ظنين القلب لو عنه تدرون

عاداتنا يوم الوغا نكشف الراس .......... بايماننا مخ الفرنجي ومسنون

مع لابت تزهي الجمالات فراس .......... من صلب فاضل جعلهم ما يعدمون

أولاد ابويت صيتهم شاع للناس .......... عند العرب منهم يقين ويدرون

هل هدت تعجب والأرياق يباس .......... يوم الوغا لمصقل الهند يروون

افعالهم كافعال عنتر وعباس .......... جهاد عيال وللموت يشرون

حريبهم دونك ابغبن وهوجاس .......... ومنا شري يشرب ابكاس وماعون

يمشي ابغبنه دايم الدوم محتاس .......... يمشي ولا يدري متى له يذبحون

ما ينفعه لو حط قصر وحراس .......... ان قدر الله لين يبكيه مزيون

اكثر حرصنا لين نعدم هل الساس .......... ثم نرد الراس للي يحشمون

ان كانا من صلب عوده وفاضل لنا ساس .......... لجعل عليهم يوم موسى وفرعون

ولجعل لهم هيت فيه مقباس .......... واني لخلى البوش فيها يدوّجون

شافوا فعل ربع ثنوا عند قرناس .......... يوم الردي عيت ارجيله يسيرون

يوم غبير الملح للعين عماس .......... تلقا الجنايز منتكين ويونون

انا اشهد انهم بالملاقات فراس .......... كرمان ظفران على الضد يرهون

راحت عليهم يوم لحضاض جلاس .......... واليوم شفني بالادارات مسجون

وانقل على كبدي احلاق من انحاس .......... ودموع عيني من على الخد يجرون

حطوا على شلقت مطابيخ حراس .......... في هرجهم ما ينعرف وش يقولون

والله لولا الخوف واذرا من الناس .......... وخاف من قول المسلمين مجنون

لا جاوب الورقا على روس لطعاس .......... واشلع ابفن يعجب اللي يغنون

واني لاهوم ابلهله البرطساس .......... أيضا ولامسي على الشوق محزون

راعي دليج من على المتن يحتاس .......... اشقر على الريحان والمسك يغدون

سود عيونه كنها عين قرناس .......... دونك اطعونه في ضميري يزيدون

مفرق عيونه من مصاقيل عباس .......... والخد قرطاس مع اللي يكتبون

في وجنته ورد ولا جاه لماس .......... يزهي ابنوره اوما بعد له يقطفون

القصيدة العاشرة: شبت نيار القلب

شبت نيار القلب من حر فرقاك .......... والدمع من عيني على الخد صافي

حزين قلبي والنواظر تحلاك .......... امثلك بين النواظر اموافي

عيني لشخصك ما تفارق وحسناك .......... على البرايا بالتواصيف طافي

كنك من العسجد وبالدل ترباك .......... ما حافت الداية عليها تخافي

نبنوب موز ناعم في ركاياك .......... ريان ما حسك هبوب الشعافي

ريحك من التسنيم در ثناياك .......... واشفاك من غالي الزمرد نظافي

بالروح والريحان يالروح وارضاك .......... اسق الحشا مما ثنايا ارهافي

ودعنا نرص اصدورنا حين نلقاك .......... في خلوة معزولة ما تشافي

فاهي ابفاهك واسقني من شفاياك .......... وارو العروق الممـحلة بالرشافي

فيلا سقيت الروح بارضاك واهداك .......... قل لي بلطف منك يا زين عوافي

صدك لنا قاتل ونحيي برؤياك .......... يا زين لا تطول علينا التجافي

جفيتني والروح تبغي املاماك .......... هيهات تبرى علتي وانشغافي

والله لو تنسى عهودي فلا انساك .......... واني لاجيك ابصغرة النفس حافي

اذكر ليالي وصلنا مع حكاياك .......... وذيك الدلول الكاملة والعجافي

واذكر محاسن صورتك مع سجاياك .......... وذيك الشعور الضافية والغوافي

من نار صدك ذابت الروح واشجاك .......... رفي فما هذي فعال المصافي

شرط المحبة الوصل لا بغيناك .......... تاتي مطيع لا تسوي اخلافي

اترك عذولك لا تصافيه واعداك .......... يبغون لي واياك طرق التلافي

يا زين لا تشعل قناديل خداك .......... شف القمر من نور خديك غافي

محلى كراكيشك ومزين زواياك .......... ومحلى سجاياك الزراف النظافي

محلى دليجك لاعمل فوق متناك .......... زحل يمده من سواده الحافي

جل الذي صور تحاليك وانشاك .......... صور تحاليك النظاف التحافي

يا رب اسألك بالنبي حافظ اسماك .......... محمد اللي سهر الليل حافي

اهو الذي سريت به لين ناجاك .......... من قاب قوسين وحجبك اغدافي

وابجاه بيتك والذي فيه لباك .......... يسعى يطوف الرحمة الله الشافي

وبالعرش والكرسي ومسبول ستراك .......... وبالمية اللي حول كرسيك طافي

ارحم دنيف هايف لاذ باحماك .......... في جيرتك تنجيه من ذا الكسافي

يا المصطفى اشفع لنا عند مولاك .......... انت الوسيلة للعباد الضعافي

يا رب شفع سيد المصطفى جاك .......... ابرحمتك الشاملة واللطافي

لك الحمد يا ربي على كثر نعماك .......... حمد كثير والشكر به يضافي

يا المصطفى مليون تسليم ينصاك .......... وافضل صلاة الله الروحك الحافي

القصيدة الحادية عشرة: مرثية

أوحشت لوطان وأظلم الحـساء .......... غاب بدره واختفى اسفا اسيف

عقب ما نور بنوره للبلاد .......... انكسف يا حيف يا ريف الضعيف

مزبن الجاني مجير من لجا .......... نصرة المظلوم كهف للمخيف

ما حلى ذيك النواظر والحجاج .......... والمحيا لا لمع بدر شريف

ما كل البر طيل عمره والحرام .......... والمكارم خصلته شخص نظيف

لا وطا الفحشا ولا داس الملام .......... عن جميع الشين والفحشا عفيف

لا جنا الجاني وجا عنده ذليل .......... يرحمه ويقول وش سوى الضعيف

لو زجر وارعد سحابه ما يبل .......... داخلي الصوف من تحت الشنيف

لا رأيت الزجر عنده والوعيد .......... فانت آمن منه عدله ما يحيف

عايزن الشيخ في هذا الزمان .......... فايق الأقران جمله والصنيف

بالكرم موصوف بابه لم يزل .......... حامياً ورده على هذا يكيف

ما حد شرع لبـابة بالحسا .......... غير بوسعدون جاعل له مضيف

مدهل للضيف بوسعدون دون .......... كل سكان الحسا واهل القطيف

هو صحيب لي حبيب لي لبيب .......... لا رآني من بعيد لي يقيف

آه واقلبي غدا عقبه هشيم .......... مثل عشب هيفه هيف المصيف

ما رأت عيني ذكاته في الأنام .......... عارف العراف للعارف عريف

راح للسلطان هديه والخطوط .......... واعجب السلطان هديه للتحيف

واغمره باحسان كل شهر معاش .......... أميه وعشرين مرصوفة رصيف

ما حد سوى سواته بالعزوم .......... طوع العدوان طاعو له عسيف

ما رمى راسه لحكام الزمان .......... مرد منهم ظاهر ماله وصيف

قاسيا راسه وفي راسه اصعوب .......... للصعب صعب وللضعيفين ريف

ما حد حاله ابحالات الحياة .......... كلما كادوه نجـاه اللطيف

له يبرمون المكايد كل حين .......... وينقض المبروم بالراي المنيف

لين ربه وصله دار الخلود .......... يرحمه باللطف حيننه لطيف

رحمة الله توصله دوم الدوام .......... في جنان الخلد بستانه ينيف

راح وابقاله ثنا مثل السراج .......... يشتعل في الناس لو غطوه شيف

ارتحل من عقب ذا فوق الهجين .......... صيعري كالف حاله نحيف

مدخر عندي الى وقت اللزوم .......... مثل هذا اليوم ما حاجه رديف

ما عليه الا السفايف والخروج .......... أو زها به يوم أو لبس خفيف

راكبه لا زال في قلبه اسرور .......... من حسن ممشاه والدل الظريف

كن حالوب المطر حذف الحصا .......... من خلاف الخف أو دمع الدنيف

ايتوحا راكبه صوت غريب .......... طارق لزينه من حمو الوحيف

من قطر تنشر الى بان الصباح .......... والظهر تلفي على شيخ عفيف

بالتخلف انص مخلوف الكرام .......... خص به سعدون يا نعم الخليف

وانت واقف مد له مني كتاب .......... قل عزاي وتسليم من قلب سخيف

العزا لي منك ومني العزا .......... باغي فيك الخلف عقب الوليف

والله الله في السياسب بالعموم .......... في مساواة القوي ويا الضعيف

هم جناح الطير في يوم الهداد .......... لا اختلف ريشه يعوقه بالرفيف

وللحمولة التفت راع العضود .......... لا صفو لك فانت للاعدا تخيف

والختم صلوا على سيد الورى .......... ما لعت ورقا على فرقا الوليف

القصيدة الثانية عشرة: جعل الأنذال تفداك

يا خوي فابصر جعل الانذال تفداك .......... افهم جوابي بالرمز والتفاسير

هذي عرفناها وهذيك تفداك .......... بالك تخسر غير هذي مخاسير

ان كان ربك مسعدك عقب ما اشقاك .......... فالله كريم موفي بالمعاسير

لياك تجزع من تقادير مولاك .......... اصبر بما صابك وكب التحاسير

لا راد ربك يسر أمرك ونجاك .......... وسهل اموراتك بانواع التياسير

وعطف اقلوب اصحابك اليوم واعداك .......... يجيك منهم كل يوم مسايير

والكل لك منهم عوين الى جاك .......... ويساعدونك كلهم بالمحاضير

دنياك هذي عزت قبلك اباك .......... واولاد عمك عسكرن بالمسامير

فعل الجهل اودعك في الحبس وافناك .......... وافنا حلالك يا زبون الخطاطير

خلاك مهموم من القهر وادعاك .......... في موضع تنقدك حتى العصافير

باروا اعمامك فيك واخوك خلاك .......... وأولاد عمك لك اعداء مخامير

افضيت عمرك في سناهم وجازاك .......... احد بحقران وصد وتقصير

قصيدة دواليب الفكر

الشاعر: عبد الرحمن العودة

دواليب الفكر جارن دوامه .......... وباد الحيل مني والعظامة

وسطا سيف الفكر باقصا الضمير .......... وجار الجرح من عظم ابترامه

اضرب ذا الفكر في كل نوع .......... ولا ظن ذا الفكر يدرك مرامه

صوابي ما حد له يفيد .......... يعيده طامس وسط العذاب

حريق النار ما يحظا سلامة .......... وناره تضطرم زاد احتطامه

كذلك اصابني سجن طويل .......... ولا لي وعدة كود القيامة

وذاب الحال مني والحلال .......... وعزي والرفاقة والجهامة

سهير الطرف محروق الفؤاد .......... سهير ما هجـد عـيـنـي مـنـامـه

وحاربت المعوشة والمذوق .......... دوام ما جرع حلقي طعامه

سقيم مشتقي بالهموم .......... صباح اليوم شاقي مع ظلامه

وأفكر في حواديث الزمان .......... أروم النور تظهر لي غمامة

مع ذا صابني ظلم عظيم .......... وزاد الظلم من فوق العلامة

وصاحوا الناس جملة بالعموم .......... علينا بالحمية والخصامة

وكل صاح واجمل بالكلام .......... ولا حد قام لله في كلامه

بقيت اليوم مهموم حزين .......... وجرحي ماله احد بي يلامه

بعين الزهد منظور حقیر .......... شديد العسر ما ادرك ثوب خامة

مديم بالتواضع والخضوع .......... ذلیل مستقيم بالخدامة

جفاني كل منه لي صديق .......... بلاه البخل تقفاه الرخامة

وربعي بالجفا عدوا الحدود .......... وباروا في بورات الملامة

تبين بالعداوة كل هيس .......... توضح بالعداوة والخصامة

يظن اني بهذا مستقيم .......... ارب الله يظهرني اشمامه

ولما صرت في هذا المطاح .......... بحمل الضيم واصبر بالهضامة

وقلبي ما بيا يبغي النصاف .......... وقول الليل یزداده ظلامه

ولكن اصبر فالله كريم .......... ارب الله يجلي ذي الغمامة

ويذهب عنك ضيمك والعسار .......... وتظفر بالنجاحة والسلامة

حزين القلب من لا له اجنود .......... يحمل الضيم ويرذل في مقامه

وقليل المال يصبر بالجواب .......... يكتمه ثم يجهد في كتامه

ولون الحق له يُقلب عليه .......... مع ذا يقتفونه بالملامة

صلاة عد ما ناح الحمام .......... على المذكور يشفع بالقيامة

قصيدة الوصية

الشاعر: الأمير عبد الرحمن بن عودة بن بخيت

قال من شاب من صرف الزمان .......... والليالي والحوادث والسنين

هايض بالقيل لأجل الوصاة .......... للعيال الراشدين الفاطنين

يا ولادي افهموا شانا أقول .......... للاله اموحدين خالصين

لذن المدن افقوموا للصلاة .......... لابسين إثيابكم متطهرين

خمسة افروض افصلوا للاله .......... واذكروا الله كل وقت وكل حين

واشكروا المولى واحمدوا بكل حال .......... عيشة المولى بحمد الشاكرين

بالشدايد اسألوا رب كريم .......... واصبروا فالله يجزي الصابرين

لا تجزعوا من تقادير تصير .......... الله الفاعل وخلقه راضين

واعلموا أن الشدايد ما تدوم .......... في ألم نشرح دليل الذاهنين

واكرموا الوالد مع الوالدة جميع .......... واحشموهم حيين ميتين

في كلام الله اشكرني وأشكر والديك .......... واعلم ارضى الله من ارضى الوالدين

لرضوا عنكم تنالون الجنان .......... وفي ذي الدنيا تنالون الثواب

في القصور الناهيين العاليين .......... الله يجازي عباده الصالحين

عاملوني بالضحية كل عام .......... ثم اختموا لي ان كنتم خاتمين

واذكروني بالطعم شهر ارمضان .......... نصف أوقية والدهن نصف الثمين

مع مثلهم عليكم بالدوام .......... وان فعلتم زود فأنتم واصلين

والله الله في اموالات الحلال .......... للحلال اسعوا وكونوا حافظين

الا ان شيء يروح في سداد .......... ارخصوا به في شروط اللازمين

اصلحوا ما بينكم كونوا جميع .......... لا تطيعون الحريم الذاهبين

وكونوا لهم بالحلال امصاوغين .......... الجمع فيه المعزة للإخوان

لا صفت نياتهم متخادنين .......... وجنبوا طرق المعاصي والفُجُور

واحذروا غيبة اعروض الغافلين .......... رافقوا أهل المكارم والكرام

والله الله في مصافات الطيبين .......... يرخص ابروحه ابحل الملزمات

ويرخص ابماله ان جيتم باغـيـيـن .......... والردي يردي ولافيه افتخار

جنبوا ذلك وكبّوا الخائبين .......... رافقوا الأنجاب تحظون الكرام

لا قعدتم في مكان الطيبين .......... وان سألتم الأصل فأنتم أفضول

الكم اخوان ابملهم شايخين .......... كاتبوهم كل وقت وكل حين

وان بغوكم في حلول النايبات .......... فاثنوا لهم بالحمول المثقلين

وان بغوكم عند حزات المضيق .......... لمو أنفسكم اليهم فازعين

والعدو في حالكم إفلا يويق .......... ولا تشكوا حالكم للشامتين

وانطحوا العايل وكونوا له ارجال .......... والعدو إدواه حد المرهفين

فان بدا منه الخمال افبادروه .......... بالفرنجي والسيوف الباترين

واعتنوا بالضيف لزلتم ابخير .......... وأكرموا الأجناب وان جاو ضايفين

أكرموهم بالشحم ويا اللحوم .......... والسمن يجري اصحون سايلين

والقهاوى اعملوا شي يجوز .......... واربطوا الفنجال للحا الغانمين

والبشاشة خير من كل الأمور .......... للضيوف رحب تَرَاهُم راحلين

وأكرموا الجار وارفوا له خمال .......... النبي أوصى وحنا تابعين

وان لجا مظلوم قوموا له أشمام .......... انصروا المظلوم كونوا باتعين

ذي اسنين دايم فيها اختلاف .......... كونوا لها صابرين فاطنين

ذي وصاتي فالزموها يا الفهود .......... كونوا لها لازمين عاملين

والختم مني صلاة للرسول .......... ثم يقفاها صلاة الحاضرين

قصيدة الدنيا

الشاعر: الأمير عبد الرحمن العودة

دنيا يغر الجاهلين اوفوقها .......... مثل الرحيق والسلسبيل ذوقها

لا جات في زي ابنة متحفلة .......... تنفح وترقص كل عين تشوقها

جليلة جميلة متزينة .......... ترهش وترجس بالحلي مع طوقها

تلبس ملابس الحرير وكنها .......... بنت عروس طامح عن شوقها

لا تحسب انها عند بعل واحد .......... مختارة تلقاه حامي سوقها

هي في حضن هذا وهذا تواعده .......... تومي بناملها وتغضي بموقها

من واحد لا واحد تتذوق .......... لا بغت له واحد ما يعوقها

تأتيه مثل السيل عجل حامي .......... الله يسهل له جميع اطروقها

كم واحد تسقيه خمر اوصالها .......... ثم تخنقه في حبال اخنوقها

ان اقبلت تسقیه در ادیودها .......... وإن افطمت تجذب حليب اشقوقها

ولا أقبلت تلقا الحلال مكود .......... صهيل خـيـل والغنم مع نـوقـهـا

تأتيك الارزاق من كل منهج .......... واتشوف من كل الجهات اوفوقها

تذوق فيها لذة مع نعمة .......... متأمل فيها نسيت احروقها

والطير لو يبقى زمان بكفك .......... فاختار لا خليتها واسبوقها

لا تامنه لو هو ربيب مدة .......... فرض يعد اهروبها واو يوقها

أحد الى جاته بصير عارف .......... ياكل ويدي للاله احقوقها

وأحد الى جاته بخيل جدا .......... يحرص عليها والزمان يبوقها

حيالة مكارة زواله .......... ما تنومن لو هي عطتك اوثوقها

تمنح وتسمح للعشير وكنها .......... بقعا تمزق ما كست باشقوقها

الى أقبلت شبه أجياد سبق .......... والى أدبرت مثله اجياد امروقها

والى اقبلت تأتيك كالطير كاتف .......... ومثله يكون ادبورها واصفوقها

تقبل ابخيط العنكبوت وان ادبرت .......... ما ظنتي قفل الحديد يعوقها

والى اقبلت مثل الغروس المظلة .......... تعجبك ابخضرتها وكبر اعذوقها

والى أدبرت شعف وهيف محرق .......... تشلع اغروس اللي اغرست با عروقها

لولا ابليس ما طلبها عاقل .......... لكن هو دلالها في سوقها

قصيدة آه من وسع

الشاعر: عبد الرحمن بن عودة

آه من دمع تزفر وانحدر .......... فوق خديني كما وبل السحاب

كنه الطوفان ادعى البر بحر .......... يضطرب لمواج والتنور شاب

سیل عرمي تزايد وانفجر .......... لم يذر شي طما نفد التراب

والقلب مني حزين وازدجر .......... شبه ناقور وقيسانه اصلاب

هاضني شعر تصور من صخر .......... عدله راعيه مثل الدر طاب

جوهر نظمه وسطره مستطر .......... كنه الياقوت كله في صواب

أحرفه لولو ابصراة التجر .......... أو تقل مرجان من بحره يجاب

حين قال القيل والمعنى ظهر .......... كن صاب القلب من دره صواب

صابني وامكن صوابه بالسحر .......... اودع المعلـوق والاحشا كباب

فاجني في القلب والفكر استمر .......... مصلح الافكار من شد العذاب

أفتكر بصروف غارات الدهر .......... تيهت رشدي وضيعت الحساب

ساكر بالمـر يـا نـعـم السكر .......... لا الخمر مثله ولا كاس الشراب

كن دولاب الفكر بي لا زمر .......... صرخة الكركي الى شاف العقاب

صحت انا بالويل والجاش استعر .......... كن يصلى الجاش قبس من شهاب

مركبي تيه واسمر في البحر .......... من بحرنا ذي الى بحر الخراب

لم نرى شمس ولم ننظر قمر .......... والدليل امتيه شوفه سراب

قلت له اصحى ترى شوفك شجر .......... يا دليلي افتكر ترى شوفك سراب

لا تشوف الطل وتظنه مطر .......... تنثر الصملان من اجل الضباب

دارت الدنيا رحاها بالدور .......... كنها بقع وتسعى بالذهاب

عرضتني بالعجل درب الخطر .......... كسفت حالي وانا توي شباب

يا علي اشوف في بالي خطر .......... ذا الدهر كان في السنين الخضاب

فر قلبي من مكانه ونفـر .......... نفرة الغزلان من شم العطاب

كن في قلبي سعير من سقر .......... أو جهنم شب في قلبي شباب

اه وا عزاه من زود القهر .......... كلما سديت باب فك باب

قلت وا ويلاه من قل الظهر .......... هل ترى لي في زماني من صحاب

ما عزى الحنى عن خلط السمر .......... يزهي الكفين نقش بالخضاب

قَلَّتِ الخلان في وقت الضرر .......... ما ثنالي واحد من ذا الصحاب

قد أتانا في الرسايل والخبر .......... خير ذا الدنيا تعود للخراب

شافه الاول والاخر في خطر .......... يلتمس راسه وينظر للعقاب

لم تكن دنياك هي دار المقر .......... بل ممر والوعد في يوم الحساب

ربح منهو بالديانه اشتهر .......... طايع ربه ويحظى بالثواب

رابح المظلوم والظالم خسر .......... لو تمهل فيك يا دار الخراب

لو تزخرف له زمانه والدهر .......... لازم ينعاه من بيتـه غـراب

لازم ياتيه جناي الثمر .......... والملك صف ويعرض للحساب

هكذا جانا ابشرح المختصر .......... في الحديث امورخ بوسط الكتاب

خاسر يا اللي بذا الدنيا افتخر .......... خيرها تمضي كما مر السحاب

لو ابن آدم ابذي الدنيـا ابـتـصـر .......... شافها والله ما تسوى ذباب

كلها تفني وهي دار الممر .......... ولكن الشيطان مـلـعـون الـجـنـاب

من اطاع ابليس ضل ابها كفر .......... والذي يعصـيـه هـو عـيـن الصواب

أسأل الغفران من رب غفر .......... لنبیه آدم من حين تاب

واسألك يالله تـوريـنـي السـفر .......... عن قريب تجعل الدعاء مجاب

قصيدة بركة عطية

الشاعر: خليفة بن عودة بن عبد الرحمن العودة

يحسب اني عامده حلو الحكايا .......... داله وامهوجس واقصر اخطايا

ليتني ما وقتْ في بركة عَطَيَّة .......... كان ما وافيت مجلي الثنايا

جادع الثوب في جال الركيه .......... ويتنسل بالمشط جـثـل الزوايا

شافني وانصاع أظن يدعى عليه .......... جيتي لك بالغبا ما هي خطية

وأتفكر في اقصور منزلية .......... عاليات نايفه والهـا زوايا

يا شبيه الريم في أرض خليه .......... جل من سواك ياشبه المهايا

جعل من ينويبك اعلوم الردية .......... ينكسف وجهه وتقفاه الدنايا

الردا يا الترف منقود عليه .......... ما يدور للردا كون الردايا

قصيدة احميد

الشاعر: خليفة بن عودة بن عبد الرحمن العودة

راكب من فُوقٌ فَجٍّ الأعضادي .......... حِرٌّ معفا طَيِّب كيف راعيه

ما فوقه إلا الخرج ويا اشدادي .......... يرعى جديد النبت والخد يطويه

ملفاك من يثني اذا جيت غادي .......... قَرْم صدوق ويعطي الحق راعيه

يا بو سعود و يا زبون الفهادي .......... يا شوق غطروف سخيف مثانيه

سألتكم بالله عطني الوكادي .......... هَرْج يسر الحال واصدق لنا فيه

قصدي سلامتكم وشَمْعَت افوادي .......... اعزيز يا عل ربي يخليه

واسعيد ويوسف وراعي المهادي .......... احميد اللي دايم القلب يطريه

واصغاركم واكباركم بالعدادي .......... أمانتك يا القرم لا شي تخبيه

واعلم ترى حالي دنين الوسادي .......... وقلبي على حامي الدوافير يصليه

شره على عمي عريب الجدادي .......... هل كيف رد الخط ما شفتهم فيه

وصلاة ربي عد عمد الجرادي .......... واعداد رمل دايم الريح تذريه

قصيدة الخرج

الشاعر: خليفة بن عودة بن عبد الرحمن العودة

يا راكب من عندنا فوق ظبيان .......... حر معفاً كامل بالمعان

ما فوقه الا الخرج واشْدَاد هولان .......... ركابه اللي بالفلا مِطْرَبَانِ

مَلْفَاك من يثني اذا ثار دخان .......... عبدالعزيز اللي يعرف المعان

يا بو سعود يا ذرا كل ديقان .......... يا شوق غطروف سخيف المثان

سألتكم بالله يا نسل شَقْران .......... ويش الحول عسر الليالي دهاني

لا عاد لا غرس ولا وَرْث جدانٌ .......... وَالْحَظْ مَلْعُونَ الْجِدَفْ مَا بَغَانِي

مِعْتَر أنا في مَسْكَن الهلك كوبان .......... بيت الرذالة صابني واعتراني

انا احسب ان الخرج من جاه عريان .......... يَفُورُ بالكِسْوة لها بِرْ هَوَانِ

وانا احسب ان الخرج من جاه جيعان .......... ياكل من البلم إبوسط الصوان

ولا هقيت انه من اقرون شيطان .......... تاقع به الفتنة من ابليس دان

قل الشرف تلقاه من غير ميزان .......... هيل بلا كيل رفيع ودان

فيه القَمِلْ مثل الدبا فوق الامْتَان .......... فيه القصى والجوع والحيل وان

ريوقنا يفرق كَمَا لِعِبْ بِزْران .......... ومطبق خوفي رفيقي يراني

وعينت حرفيه من الجوع موتان .......... مأكولهم نبت الصبخ قلمان

نبر الفصم بايمانهم مثل غربان .......... يدورون الجوال والا الخنان

قلت انهجو صوب المدن سيد الامدان .......... هَجْر سَقاه السيل زين المبان

واكلو من الميسور خوخ ورمان .......... وانهار تجري به بليا اثمان

قالو تعيفنا علاشان ديان .......... يبغى الوفا منا علينا ارهان

خرج القشر يَدْعِي الحشا مذهبان .......... وجينا نبي زود وعود النقصان

دراهمه تشدي كما حلم نعسان .......... يوطي على كنز الذهب مطربان

ويصبح فقير ضايع الراي ندمان .......... هل كيف مصلوحي على ما دهاني

هذي وصايف خرج الالعان كوبان .......... واللي يبي هذا يجي الى مكاني

ويا الله يا المعبود يا عالي الشان .......... يا مقسم الارزاق معطي الجنان

ترزق فقير حارب اهله وخلان .......... عاف الجماعة والبلد والاخوان

يبغى غَنَاتُ النفس ماهوب طمعان .......... ما ينطمع يا صاحبي ذا الزمان

ألفين ذكر الله طراها الساني .......... تمت وصلى الله على سيد عدنان

قصيدة الألفية

الشاعر: خليفة بن عودة بن عبد الرحمن العودة

ألف أولف من غزيرات الانشاد .......... قاف نظيف يلعبه كل نشاد

وأنا غرير في هوى الغي طراد .......... والدمع من عيني على الخد حيلوب

البا بلينا والخلايق رقودي .......... قلبي غدوبه نابيات النهودي

كيسان صين وسط صدره اقعودي .......... من رصها يسلم عن الهم واتعوب

التا تمنيت الغضي وسط ليوان .......... ومشكل يا زين من كل الالوان

طيب من الجاوي مع عود ريحان .......... مسك مع عنبر من الهند مجلوب

الثا ثمر قلبي عن الزين مايل .......... راعي ثمان صافات عسائل

شبه البرد لا هل وبل المخايل .......... بيض تلألأ كنها الشاخ مصبوب

الجيم جيته داله بالسوالف .......... جعده عشاكيل سوات السفايف

متبعثر يا زين نابي الردايف .......... من فوق زَل يجلي الهم رعبوب

الحا حبيب القلب زاد المودة .......... ما في العرب مثله شبیه نوده

قام يتخطى داخل البيت هده .......... دقيق رمش العين والكف مخضوب

الخا خليفه قزر الليل سهران .......... من بو ثنايا كنها حب رمان

خلاه كما الجلبوت من غير سكان .......... وسط البحر مايات واشراع مسكوب

الدال دمعي فوق خدي سكايب .......... عِزَّاه يا سيدي من الدمع ذايب

يجري كما تجري اسيول السحايب .......... أبكي على فقد الرعابيب وألوب

الذال ذل القلب من رب الأرباب .......... رب كريم ومعطي كل طلاب

عزيز شان و من ترجاه ما خاب .......... عساه إلي يا رب باللوح مكتوب

الرا رقيت ضلع في المنامة جنوبي .......... ضلع رفيع ومشتهر للهبوبي

وأخيل نجم وهو اسهيل الجنوبي .......... طَرَّى وليف يجعل القلب مقلوب

الزازها عنق عليه اسمر الريش .......... شقرا ذوايبها وفيها عكاريش

يا زين مهرة روحت فَوَّل الجيش .......... صفرا صنيع وصارع الراس مقضوب

السين سم الموت خلي سقاني .......... أنوح من فرقاه من ما دهاني

ما حد نشد عن علتي واشبلاني .......... والموت كاس لازم منه مشروب

الشين شفت العذب عجاج الارياح .......... شراح دنكل من جديدات الألواح

ساعة نطحني حط في القلب شراح .......... حبه كما المسمار في القلب مضروب

الصاد صد القلب عن كل الأشغال .......... عفت المذوق وجزت من كل الأعمال

لا عاد لا طارش ولا منه مندوب .......... في شان منه حط في القلب ولوال

الياطرى لي يا عرب وين ابا توب

الضاد ضحى العيد ما شفت سيدي .......... وأنا في ذا الوادي ابلاد بعيدي

قلبي عليهم لون نار الوقيدي

الطا طوى حالي من البيض ثنتين .......... بيت المعزب لي قراب دنيين

وأقرب من الجفنين الى لزوا العين .......... وأقرب من النادوس الى ثور الطوب

الظا ظلمني من لامني فيه .......... حبه سطى في القلب واشحيلتي فيه

راعي دليق اشقر على المتن كاسيه .......... لولا الحيا والله لمزع الثوب

العين عينه كنها عين شيهان .......... قرناسة تبدي على روس ضلعان

قصيدة البارحة من ضيقة البال

الشاعر: خليفة بن عودة بن عبد الرحمن العودة

البارحة من ضيقة البال سهران .......... نوم الملا يا ناس عيا يجيني

أَزْعَج ادموع تضطرب فوق الاوجان .......... وكسر العبرات يا مسلمين

على غلام غاية اصباه ديقان .......... قَطَعْ شَمَالِه بالفرنج الرزين

فعله بنفسه ما اقتضى فيه دَيَّان .......... ولا سَطَى فيه الخصيم الضغيني

قلْت الحَوَل به قَالُوا الناس ظَهران .......... تلقى الدخاتر كلهم محتسين

وجينا على دوج من الزيت ريان .......... طرب له السواق والراكبين

ساعة وصلنا ابقيق جاو المريكان .......... تهرجوا ما بينهم بالرطين

وجانا قليل الفود هندي إسويدان .......... يَنْشِد عن النمرة هبيل اللعين

وَبَطَّل الفاف الكفْ غَمْق بالكوانُ .......... شِفْتَه تكدر زين قلبي بشين

وحطوه في شي كما النعش واكنان .......... وراحوا بمظنون الحَشَى مقفيين

ولى لابة بالضيق يثنون ظفران .......... ساعة دروبه الحقوا فازعين

وامه كما ورق من النوح سكران .......... عزّى الحاله من افراق الـجـنـيـن

والا كما خلج تَرَزَّم إِبْمِرْحَانُ .......... على ولدهـا تـوقـظ الـنـايـمـيـن

لو ان البكي ينفع بكى القلب وأعيان .......... وبكى بـعـيـد الدار والحاضرين

لو إن البكي ينفع بكى الأب واخوان .......... لبكيه عام وازهم الباكيين

ابكوا معي يا ناس تُجْزُونَ بِاحْسَانُ .......... نِنْفَعْ مَريض بِالْمَعَالَج كوين

مير البكى زود على الحزن باحزان .......... وكثر البكي خطر عسى الله یعین

وصلاة ربي عد ما خفي وعد ما بان .......... على نبي الله سيد المرسلين

قصيدة البوتكار

راكب اللي لا مشى مثل السفينة .......... في مسيره لا يهون ولا يمللي

يبي فرمن ولا جيب يمينه .......... لا يبي بسه ولا حبل يتللي

لا يبي عشب ولا يرعى جليله .......... كود زيت داسه اللي

بوتكار حَرَّكو فيه المكينة .......... فَرِّ قلبي فرى لولاب المظلي

ما يغرز بالوعر يا راكبينه .......... جعل يسقى الى نصى ديران خلي

صاحبي كن الأهليل في جبينه .......... ريقه السكر وهرجه لي يسلي

حالف ما يلبس إثياب السميلة .......... لبسه اجداد على فرش وزلي

يا وجودي وجد من ضيع صميله .......... في حزايز نجد مقلوع المحلي

جنب المورد ولا عنده دليله .......... في سموم القيض وادموعه تهلي

قصيدة الراديو (المذياع)

كل اخويانا سيروا للقرابات .......... أنا في حِجْرِنِي مِسْتَكنِّي

وعندي الابيض مستعد بالأصوات .......... إلى زَهَمْتَه قال انا لك بغني

قلت إنت مشقيني بكثر الخسارات .......... كل شهرين تقول اسـعـفـنـي

لا انت ابحدا عيالي ولا من القرابات .......... ولا على ما جاك تبتشكرني

قال انت تبزاني بحق المعرفات .......... والا اخويا لك فعلهم يعجبني

كم فوتوا في الحول عدة ريالات .......... والى فات منهم شي ما حسبني

قلت يا منكر المعروف شين المروات .......... عقب الخسارة والتعب تنكرني

سَلَّمْتُ للدكان راعي التجارات .......... سبعين مع سبعين تقول إشترني

وجبتك اشلك أَحْسِب فيك طُولات .......... واحْسِبك على طول الدهر تربحني

قال اثياب اللي شريتها جديدات .......... ما تنفعك اليامن اسملن واعتقني

انا الصديق اللي اعلومي عجيبات .......... اليا دك هاجوسك تذكرت فني

أجيب لك ذكر الديار البعيدات .......... صوت الربابة والمزيقة ترنني

وينساح بالك من اهموم كثيرات .......... في قد حاضر والخبر جاك مني

قلت يعيض فيك أبو أربع احجارات .......... يجيب ما جبت بليا تمني

وأفتك من بتري كبيرة معبات .......... واخطامك اللي دايم متعبني

قال إفكر بالابل والخيل الاصيلات .......... كَسَّابت الناموس في كل فني

ومن أول تقرى وتكتب رسالات .......... والى اليوم كتبك ما يجـيـه امـتـعـنـي

جات القواعد وانشاء والرياضات .......... واحساب معدود على كل فني

واكسور عشرية صغيرة وكبيرات .......... واليا بغيت احسابهن

قصيدة أفرح إبشوفه

أخذت بيت من ابيوت تواليه .......... أبى أتسلاً فيه وابعتني به

يا عين هلي صافي الدمع هلية .......... والياقضى صافيـه هـاتـي سـريـبـه

لي صاحب يا عين ودي أوافيه .......... في خلوة يلقـى حبـيـب حبـيـبـه

أفرح إبشوفه واتحلّى أبطارية .......... وارسم له ابجوفي إبيوت عجيـبـه

من لام أنا ياعين لاجيب طاريه .......... أقْنِبْ قَنَاب الذيب وانحب نحيبه

لا اخطى علي يزعل وأنا اللي أراضيه .......... وأسامحه في كل ما يـد عـيـبـه

خلي يهلي بي وقلبي يهليه .......... وهذا مودة صاحب مع صحيبـه

واليانسيتُ ابْحَاجَتِه مِنْ يدانيه .......... أَعْلَنْ جَفاه وبالضجر شـق جـيـبـه

ويلا طلبته ياسر قال ما اصخيه .......... واليا طلبني كايـد رحـت أجـيـبـه

بالضحك يرضيني وبالضحك انا ارضيه .......... والضحك اهو طب القلوب العطيبه

اليا دعاني بالوعد لازم أجيه .......... واليا دعـيـتـه جـيـتـه لـي صـعـيـبـه

هذا الطبوعه سدد الله خطاويه .......... عَرَفْتْ من طبعه أو خبثه أو طيبه

قصيدة مورسدس

راكب اللي ما توانى في مسيره .......... الموديل جديد والموتر جديدي

مورسدس صغير مأمون الخطيره .......... من صنع ألمان ممتاز الحديدي

ساقه اللي حاضر فكر وبصيرة .......... ما يهمه قصر خطه والبعيدي

شوف عينه ما اكتفى بأشواف غيره .......... ما تقدم للفقيه أخذ الرصيدي

دن لي قرطاس والبريه قصيرة .......... واكتب اسم اللي له العالم عبيدي

وانظم أبيات كما اللولو نظيره .......... لا قصر فيها ولا شيء يزيدي

زفها بالصوت في عبر الأثيره .......... سين ولام وميم وأخبار تفـيـدي

نصها قذلان في جوف العشيرة .......... وَلْدِ من يثنى الى جَفْ الوريدي

قصيدة سلمهم طيب

قال من هو بزين القاف غنا به .......... يتخير بقوله زين الألحان

يرسمه في اعيال العم واللابه .......... ما يزيده إبقول إفلان وافلان

عندهم كل فعل الطيب يعنا به .......... ضد ضدي اعضودي صلب جدان

سلمهم طيب والطيب يمشا به .......... والعدو ما نها به يوم الأكوان

العدو ما يسره كل ما جا به .......... نعتبي له بزود اعداه عدوان

هيه يا اللي جميل اللبس يزها به .......... عيفي اللي نهار الكون خوان

شوفي اللي على العادات يهقا به .......... لا غزاه المعادي رد خسران

قصيدة يوم سمع الصوت

قال من هو للمثل ما استعاره .......... فاهم لِلْقُول ذَرْبُ الكلام يوم سمع الصوت زاد اعتباره

هاض من جاشه جميل الغرام .......... كل رجل ما تجيبه نماره

ذاك خلــه جـعـل عـمـره عـدام .......... وان كتبت الناس في خطو شاره

حط صفرين على اسمه اشمام .......... لا تعده ذاك عمره خساره

يلحقك منه اسهوم الملام .......... واندب اللي فاهم للاشاره

يفتهم للرمز دون الكلام .......... جعل رجله ما تجـيـهـا الجباره

وساير اعظامه عساها سلام

قصيدة بديت راس العدام

بدیت راس العدام .......... وانظر شمال ويمين

عينت ناس احشام .......... بالطيب متعاونين

يا بو علي ما تلام .......... اضرب بحد السنين

اضرب بحد الحسام .......... للضد خله يلين

وان طاولك بالكلام .......... حنا لكم حاضرين

وان اعترف واستقام .......... لا بد حقك يبين

ارفع برايات لام .......... واجدودك الطيبين

اذكر لهم كل عام .......... ورخ لهم بالسنين

وسجل إبيوت تمام .......... ذكراه للمصغرين

قصيدة في الشاهي والقهوة

ما لي بشاهي الْحَمَر حق الأفندية .......... واختصها بالأسامي في أربع أنواع

شفي من اللي كثيرات أساميه .......... تكروري من موقعه وأيضا هررية

وبرية وزنها بالمد والصاع .......... اليا حصل كب عنك باقي الاتباع

لو كان حطو بزود الكيف نعناع .......... والهيل من ضمنها غلية مشاريه

قصيدة الحج

راكب اللي عليها كتب راعيها .......... صلب لولا بها صنع الانجليزية

اختار تسعين حيثك باخص فيها .......... خمسة عشر فرت والباقي دمنتيه

حمل من اقصورها لا عاد تخليها .......... واندب سواويقها وخص الاجنيريه

كثر من البن وهيل وانت راعيها .......... حمل دقيق وسمن وألف جونيه

نجر يجيب الطرب وأربع شواميها .......... رسلان الأصلي وخامستهم حساوية

خمسة عشر شخص من الأحباب ننقيها .......... وابسنة الله معانا كم نشمية

انص المدينة زمان مهاجر فيها .......... والحج نبغيه الى من قرب اضحيه

والى قضى الحج يا فاهم قوافيها .......... انكف تذكر اديارك سمح النية

تلفى إديار رسم جدي مبانيها .......... فيها عمامي بأهلهم والدنـاويـه

أحد تمنى اقصور الجو يـبـنـيـهـا .......... ويجعل بها من بنات الناس حرية

ونفسي تمنت وهذي من ثمانيها .......... متمنين رحمة الله والمغفـريـه

قصيدة الوصية

يا قلب اخذ الحق وخل الخيانات .......... أمانتك يا قلب قوي العزوم

يا قلب أمن وصل خمس الصلوات .......... واقرى التحية كل فرض قسوم

يا قلب أنا بوصيك خير الوصيات .......... كانك ذهين للوصايا فهوم

اللي يحبك ظاهري فيه شارات .......... يضحك بسنه لك وقلبه صروم

واللي يحبك باطني به مروات .......... لو هو يسبك لازم انه رحوم

كانك غشيم ما تعرف الاشارات .......... عندي اشارة مثل زين النجوم

اهتد بها تلقى كلامي به اثبات .......... وتلقى لها في بعض الأشياء رسوم

يا قلب لا تطلب من الناس حاجات .......... خطر تطيح بواحد ما يروم

اما يفضحك في جميع البريات .......... والا يسفهك ما قضى لك لزوم

كانك دخلت البيت جاو البزيرات .......... تباشروا بك كلهم بالعموم

افهاذي محبة من رفيع السموات .......... لازم عليها جعلها لك تدوم

وكانك دخلت البيت وعينتهم اسكات .......... ونين مع هذا اقتفتها الهموم

اعرف بها وافهم كلامي بها اثبات .......... واعلم ترى من فوق كبده تقوم

واحذر صديق الزاد ما به امروات .......... يفرح بخسرانك ردي العزوم

همه مع بطنه ولا فيه طولات .......... وان قل ما جودك اخلافك ذموم

واحذر من نوم الضحى وانمامات .......... واحذر تجي بين الخلايق نـمـــوم

واللي الغيرك لو صفى فيه مرات .......... اجزم على شوف الكدر به لزوم

واللي يخصك لو تكدر كدارات .......... يرفعك في نفس العزيزه يدوم

ان عشت يبني لك اقصور رفيعات .......... وان مت يسفر لك اقبور الظلوم

صلاة ربي عد ما حي وعد ما مات .......... واعداد شمس اطلعت كل يوم

على نبي الله سيد البريات .......... محمد المبعوث في يوم الزحوم

قصيدة حرب الوديعة

أنا سعودي وأحب اسم السعودية .......... وأحب راس الملك وأبناه واخوانه

أيضاً وأحب الحرس وجنود بحرية .......... واتحيتي للوطن شيبة وشبانه

وأنا أحمد الله إزداد الجيش كلية .......... إمدرب جيشنا توجيه سلطانه

با مدرعات تفوج الخد برية .......... سم على الضد لا من ثار دخانه

امـسـابق الصوت بحرية وجوية .......... إِبْحَرْبِ الوديعة تبين زود برهانه

من فوقها ابن الوطن باعيار نارية .......... حقق هدفها لا من خش ميدانه

يلقي ابروحه على الطرق المخطريه .......... والموت عند الذي دبره بأكوانه

يضرب ولا ينضرب قدرة إلهية .......... واللي حماها ولي العرش سبحانه

من حارب المملكة خانت به إنويه .......... إخْتَاب ظنه وصار الزود خسرانه

خلا اجنوده على القِيْعَان مَرْمِية .......... أيتم أطفاله ودش الحكم نسوانه

قصيدة أذكر المولى

أذكر المولى مساه أو صباحه .......... واشكر اللي كل ما شكر زاد

من سمعني قال هذا صراحه .......... من سمعني قال هذا وكاد

شاقني لعب العرب في البراحه .......... لا حسد يوجد ولا به إعناد

ذكر الماضي وخلا الكباحه .......... وذكر الماضي أو مثله أو زاد

ذا مكان اللي يلاعب اسلاحه .......... مع بني فاضل اطيور الهداد

أمدح اللي يستحق المداحه .......... للعدو ضد وربعه اسناد

واعتزي به في نهار الصياحه .......... يوم ولد اللاش ما به سداد

ذا مكان اللي حصل فيه راحة .......... فيه خال أو عم أو ترثة أجداد

قصيدة ولت هواجيسي

البارحة يوم المخاليق نيمين .......... دكت هواجيسي وأنا كنت غافي

إفتر قلبي واحترك يوم الاثنين .......... اثنين وعشرين من الشهر وافـي

في شهر ذي الحجة وحنا إمقيمين .......... قبله وقلبي داله وامتعافي

تاريخ واحد والثلاثة على ايمين .......... وتسعة أو واحد في عددها يشافي

سمعت أبو ماجد يغني بتلحين .......... ويعدّل الحونه ابزين القوافي

قول كما الجوهر ابحق الموازين .......... عَدْلِ المقام وبالتواصيف صافي

يشكي على بيت إركونه قويين .......... أو جملة مواعينه إزيان انظافي

وجيران من فضل إلهي نزهين .......... عدة اسنين ما جرى به اخلافي

لا برد يوجد ولا حر ذا الحين .......... وامن المؤونة ما وجا فيه كافي

مير السبب فرقا إربوع شنيين .......... اللي امْشَاهَدهُمْ يجيب العوافي

ماني من اللي يعيشون وحدين .......... اللي إيديهم للقصيرة اخفافي

أعز نفسي وأتذرّى عن الشين .......... وادرى مناقيد العرب والمقافي

يا الله عسى من دور الزين للزين .......... وبالعكس من دور يجيبه اصدافي

ذا واعذروني كلكم يا مسلمين .......... ومن لا عذر فا الله وكيلي وكافي

ختمتها بالصاد واللام والسين .......... مع جملة احروف تتم القوافي

قصيدة اللي مريض ومسدوح

في زوجته أم حمد

الله يجير اللي مريض ومسدوح .......... عساك يا ربي من الشر تنجيه

اللي يساعدني على كل مصلوح .......... ما خانني سرق ولا السرق يبغيه

دايم يوادعني اذا شفيت باروح .......... واليا اقبلت يعجبني ابكثرة تهليه

واليا بطيت يلقاني على الدرب مملوح .......... حافي القدم ما له احذى توقيـه

يقول لي ويش البطا يا فدا الروح .......... أحفيتني والقلب كثرت طواريه

أقوم وأقعد وألحق النوح بالنوح .......... وامشي وَلُوفت واتحرى الطاريه

ما هم قلبي كثر الازوال واشبوح .......... شفى مع اللي صافي لي وصافيه

قصيدة يوم روح النجم

البارحة يوم ادْبَحَ النجم ونّيت .......... لي زفرة بين الصدر والوريد

أخفيتها .. صبر وللصبر ما قويت .......... ومن حرها عيا الصبر لا يفيد

بدیت مشراف رفيع وغنيت .......... بيحت سدي فوق خضر الجريد

حمام يا اللي في سماهم تعلّيت .......... بلغ سلام اللي اديـــاره بـعـيد

خص الذي متكفل خدمة البيت .......... يحرم عليه اللبس غير الجديد

مریت سلام عيـد جـعـل عـيـده سـعـيـد .......... اسباب من عنقه اسوات الفريد

هو الذي سلم علي يوم مريت .......... أنا اشهد في هواهم تشقويت

طلبت ربي كل ما قمت صلِّيت .......... طلبته الغفران رب الـعـبـيــد

وأعوذ به من خطيتي يوم انا خطيت .......... يغفر ذنوب كل يوم تزيد

قصيدة الشيب

الشاعر: خليفة بن عودة بن عبد الرحمن العودة

قالو لي ذقنك شاب وابدى بك الشيب .......... قلت آه قلبي يا مخاليق ما شاب

الشيب ما يمنع امخيب عن العيب .......... والعيب ما يبلى صبي إذا تاب

قالو تحذر لا تمر اللواعيب .......... نقص على مثلك تراديد الالعاب

قلت اللعب سنة ولا في اللعب عيب .......... العيب في عس القصيرة والاقراب

قالو نشيدك لا تطري الرعابيب .......... يلحقك من طاري الرعابيب الاسباب

قلت العذارى لبسنا بالمواجيب .......... وحنا لباس للعذارى بالاوجاب

فرض من اللي يعلم الجهر والغيب .......... وابسنة اللي بين الحق باكتاب

وخسران من لا له عذارى ولا صيب .......... خسران في الدنيا لو جاب ما جاب

قصيدة يا الله يا اللي تعلم الغيب

الشاعر: خليفة بن عودة بن عبد الرحمن العودة

يا الله ياللي تعلم الجهر والغيب .......... يا عالم أسرار الخفية والأرحام

يا عالم بالقلب والخُبث والطيب .......... ويا عالم بالذر في قدر الأظلام

يا واحد لا له شريك ولا صيب .......... لا له خوال ولا وزير ولا أعمام

متوحد لا فيه شك ولا ريب .......... تبارك اسمه ذا الجلال والاكرام

بعاث للأموات من غير تكذيب .......... رَزَّاقِ لِلحَيِّين من جَزْلِ الأقسام

جبار للأكسار من غير تطبيب .......... امشافي الأمراض من عقب الأسقام

يا رافع سبع سمكها بترتيب .......... وبقدرته دبر لياليه وأيام

يا خالق شمس وقمرها وكواكيب .......... ويا مُفَهم خلقه بالأشهر والأعوام

وسبع وهبها للمخاليق تواهيب .......... وانبت بها من كل شي والأنعام

كاف كفو به كفايات وامثيب .......... لنامت اعيون المخاليق منام

يا الله يا اللي لمن ادعي جيب .......... أو لحرمه يعنى بالمطايا والاقدام

ويا منجي من قالو كله ذيب .......... يوسف بن يعقوب فسار الأحلام

حظى مرض يا فاهم بالمواجيب .......... قد له اسنين راقد الحظ ما قام

عساه ينهض يرفع الراس ويطيب .......... عساه على زين المصاليح قدام

يا الله تصلح ما مضى من تواعيب .......... على طول الليالي والأيام

يا واحد من ترجاه ما خيب .......... يا مدبر الكون والناس نيام

اغفر اذنوب الماضية واستر العيب .......... يا غافر الزلات للغيب علام

قصيدة ريل السريع

الشاعر: خليفة بن عودة بن عبد الرحمن العودة

البارحة يوم القمر ما بعد مال .......... الليل زل أو باقيات اركونه

ويلاه من قلب هواجيسه اشكال .......... هذا تعرض له وذا حال دونه

وهذا على الرصة ظواميه تجتال .......... وهذا على غب التسع يرتجونه

وهذا على المورد وهذاك محتال .......... وهذا على المظمى تلاطم اضعونه

قلت آه وين القرم حلال الاشكال .......... مبارك ابن ظريس وين يذكرونه

قالوا تهجس له على الخط نزال .......... خطه على مطلوبهم يازنونه

يا راكب اللي ما ابمشية تميال .......... ريل السريع اللي مماشيه محال

كل الملوك بلازم يطلبونه .......... من عندنا يسرح برفق وتسهال

ولي وصل في شفنا يوقفونه .......... حول نديبي بالعجل طيب الفال

وفَرُّوا نشاما في اسنعه يلتقونه .......... ابدوا له الترحيب وهلا وسَعَتْ بال

قبل السلام وقبل هم يعرفونه .......... قام الْمُشَبَّب يرقع النجر والدلال

وما عندهم من زل هم يبسطونه .......... هيل الحبش والبن يصبغ بفنجال

والزعفران الياغتلى يشترونه .......... سلم عليهم عم الأول مع التال

واختص ابو شافي بسلام ومعونه .......... أشهد على اسمه وافق اسمه ولا عال

اقهيدان اليا لحق الخطر يزهمونه .......... ريف الضعيف وللخطاطير مدهال

هيف الخروف اللي هله يطعمونه .......... لا ابغى جزا قولي ولا شي امن المال

الا العذر منكم عسى تقبلونه

قصيدة عذرك جميل

الشاعر: مبارك بن ظريس الودعاني الدوسري

حي الكتاب اللي حوى زين الأمثال .......... حَيّه وحي اللي لـفـوا ينـقـلـونـه

قول على المعنى ولا فيه خُوجَال .......... طيبه من العنبر ابطبقة اركونه

يا راكب اللي منوته قطع الاسهال .......... دوج جديد ومصنعه يمدحونه

ينصى المراح اللي بها قروم وارجال .......... درب المراجل دايم يتبعونه

انصوا خليفة طيب الجد والخال .......... وارْفَعْ ابْصُوت كلهم يسمعونه

عذرك جميل وجعل تفداك الانذال .......... اللي الماجوب الخوي يطرحونه

قصيدة شيخنا مقدم والقوم يدرونه

الشاعر: عوده بن عبد العزيز الفضلي

الكبر حيروا ما عاد يبنونه

هدمت اقصوراهم حنا سبايبها

هيه ياجاهل في الحرب وش لونه

وام تاج عطيباتِ ضرايبها

ياهلي دوروا لي بنت مزيونه

سربة العين محوية ذوايبها

طفل ريم ان مشى يمشي على هونه

الضماير بها تطفي لهايبها

لارزقت الولد منها يهابونه

مثل شيخ الباد نعم بشايبها

شيخنا مقدم والقوم يدرونه

والبلايا بدى ماهوب ماهيبها

ابو علي دقرة الي يعادونه

كم عذرا مفرقها حبايبها

ابو علي حربةِ للحرب مسنونه

انتصر با الولي باول طلاييها

سلم الله حمد شي يعرفونه

عزنا نعتزي به في نوايبها

شيخنا الي على الشطات ينخونه

يبهج الصدر لانشبت نشايبها

قصيدة إن حربنا فحن كالسم قتالي

الشاعر: الشيخ حمد بن علي آل عوده الفضلي

يا الله إنا نسألك ربنا الوالي مجرى الكون في حكمه وتدبيره

قال من هو بدا في بدع الأمثالي ماغوى بدع قيفانه وتعبيره

كالزمرد حوت من كل الأشكالي شبه حص البحر في نظم تسطيره

أترجز بنحو ما به إخلالي والمغني سجع به في مزاميره

لابتي واسمعوا هرجي على التالي وافهموا ما مضى من واقع السيره

المراجل صعيبه دربها عالي والردى مثل سيل في تحاديره

والظفر والكرم كسوت وابدالي من تردى رداه الذل له عيره

واحتسوا للعدو بأبطالٍ ورجالي وادهموا حلته شبوا بها النيره

إن حربنا فحن كالسم قتالي وإن صلحنا دفنا الشين مع غيره

حن بني فضل من لاول الى التالي مانهاب المعادي مع جماهيره

مثل اسودِ بهم شيبان واشبالي يفتهم بعضهم من بعض تزئيره

جارنا لازبن في نايف الجالي ذا قديم لنا نحمي الجيره

نفدي الروح دون الصاحب الغالي نرخص المال دونه في معاذيره

ذي قدايم اجدود ِ فرعها عالي من بني لام في طيء لها الجيره

قصيدة أهل المعرفة والأصول الكريمين

الشاعر: عوده بن عبد العزيز الفضلي
مناسبة القصيدة: مسندة على أمير الغزي الفضول بالعراق عبد الله بن حاكم بن حبيب

جانا كتاب من كرامٍ عزيزين مكتوب شيخٍ رسلي قصادي

يامرحبا بالخط والي معنين عد المطر وأعداد عد الجرادي

أذكارهم بقلوبنا قبل ذا الحين ونعزهم لو كانو أبعادي

واليوم زاد العرف بالقاط قاطين واليا استمر العرف غايه مرادي

يا ما حلات الوصل بين الاثنين والزيادة منهم لنا باعتمادي

واليا بغون حاضرين او مطيعين والي يجي بين القرابة تنادي

أهل المعرفة والأصول الكريمين حنا الفضول اهل السلف والامجادي

يشهد به التاريخ ويا الدواوين ولا خبر يذكر بليا شهادي

والعنقري يشهد بما شافت العين وتاريخ ابن عروج عند البوادي

أوس هو جد الفضول العريقين والي يرد في لام منا وكادي

وحنا هل العلياء كعام المعادين لطامة العايل بحد الهنادي

ما ننقل إلا الشرف ولا ام تاجين نرمي بها بالعين رميٍ ركادي

حريبنا يسهر لو إنا مصلحين مايهتني بالزاد ويا الرقادي

واليا زبنا نأمن الزبن تأمين واليا عهدنا مانخون العهادي

هذي عوايدنا ولا حنا مثارين ومدح الفتى للنفس ماهوب جادي

والختم صلاة الله على مظهر الدين محمد المبعوث هو خير هادي

قصيدة راعي العيلات يطرد في كراعه

الشاعر: الشيخ حمد بن علي آل عوده الفضلي

راعي العيلات يطرد في كراعه

لين ماخضر النمش تبرى يمينه

لين مايذعن لنا سمع ِوطاعه

با الغصب ولا اللين حنا مطوعينه

مانطيق الصبر والله ياجماعه

ثأرنا لابدنا مستأصيلنه

والعدو إدواه منا سم ساعه

نبتر الابهر وونجف له وتينه

قصيدة للربع مني سلام

الشاعر: الشيخ حمد بن علي آل عوده الفضلي

للربع مني سلام

سلام للطيبين

اخص النشاما الكرام

واخص ذرب اليمين

ربعي ليوث ضغام

تزأر اسودِالعرين

من نسل فضل ولام

من طيء متسلسلين

حريبهم ماينام

قلبه امشقا حزين

لاجاء نهار الزحام

كلِ بفعله يبين

والبن كاس المدام

صبوه للطيبين